Тауар белгісі дегеніміз не

Тауар белгісі – бір заңды немесе жеке тұлға тауарларының (қызметтерінің) басқа заңды немесе жеке тұлғалардың біртектес тауарларынан (қызметтерінен) ажырату үшін қолданылатын белгісі.

Тауар белгісі ретінде бейнелік, сөздік, әріптік, сандық және өзге де белгілер немесе олардың комбинациялары тіркелуі мүмкін.

Тауар белгісі кез келген түсте немесе сандық үйлесімінде тіркелуі мүмкін.

Тауар белгілері ретінде тіркелген белгілерінің мысалдары

Қазақстан Республикасындағы тауар белгілерін құқықтық қорғау мемлекеттік тіркеу негізінде, сонымен бірге Қазақстан Республикасының халықаралық шарттарына байланысты тіркеусіз ұсынылады.

Тауар белгілерін құқықтық қорғау жеке немесе заңды тұлғаларға ұсынылады.

Тауар белгісіне құқықтық қорғау Қазақстан Республикасы тауар белгілерінің мемлекеттiк тiзiлiмiндегі жазбамен куәландырылады және Қазақстан Республикасы тауар белгілерінің мемлекеттiк тiзiлiмiнен үзінді-көшірмесімен расталады.

Тауар белгісінің иесі оған тиесілі тауарлар мен қызметтер куәлігінде көрсетілген тауар белгісін пайдалану мен иелік ету бойынша айрықша құқығына ие болады. Қазақстан Республикасында қорғалатын тауар белгісін оның иесінің келісімінсіз ешкім пайдалана алмайды.

«ҰЗМИ» РМК мемлекеттік монополия субъектісі ретінде келесі қызметтерді көрсетеді:

1. тауар белгілерін мемлекеттік тіркеуге өтінімдерді қабылдау және сараптамасы;
2. тауарлық белгіге халықаралық өтінімдер бойынша сараптаманы жүргізу, тауарлық белгіні халықаралық тіркеуге құжаттарын ресімдеу;
3. Қазақстан Республикасы тауар белгілерінің мемлекеттiк тiзiлiмiн жүргізу;
4. Қазақстан Республикасы тауар белгілерінің мемлекеттiк тiзiлiмге өзгерістерді енгізу туралы өтініштерді қабылдау және қарастыру;
5. тауар белгісіне айрықша құқықтық қолданылу мерзімін ұзарту туралы өтінішхаттарды қабылдау және қарастыру;
6. тауар белгісіне айрықша құқыққа иелік ету туралы шартты мемлекеттік тіркеу жөніндегі өтініштерін қабылдау және қарастыру;
7. Қазақстан Республикасында тіркелген тауар белгілері туралы мәліметтерден тұратын «Өнеркәсіптік меншік» ресми электрондық бюллетенін жариялау.